अनलाइन नहुँदा हजारौं युवा बिना श्रम स्वकृति विदेशमा काम गर्न बाध्य

लेवरपाटी संवाददाता
    १२ माघ २०७६, आइतबार २१:३३  मा प्रकाशित



काठमाडाैं– बिमा कम्पनीहरुले वैदेशिक रोजागार म्यादी बिमा शुल्कलाई अनलाइन भुक्तानी प्रणालाीमा जैलान अटेर गर्दा नियोगबाट दिन लागिएको पुनः श्रम स्वीकृति सेवा सुरु हुन सकेको छैन ।

पुनः श्रम स्वीकृतिका लागि अनिवार्य मानिएको म्यादी बिमा शुल्क भुक्तानीलाई बिमा कम्पनीले अनलाइन कम्पनीमा लैजान अटेर गरेपछि श्रम स्वीकृति लिनकै लागि नेपाली युवा लाखौं खर्च गरेर स्वदेश फर्कन बाध्य भएका छन् । स्वदेशमा पनि अनलाइनबाटै बिमा शुल्क भुक्तानी सेवा सुचारु गर्ने सरकारको योजनासमेत अलपत्र परेको छ ।

सरकारले करार अवधि थप भएका तर श्रम स्वीकृतिको म्याद सकिएका युवाको लागि विदेशस्थित नियोगबाटै पुनःश्रमस्वीकृतिको तयारी गरेको छ महिनाभन्दा बढी भएपनि बिमाका कारण श्रम स्वीकृतिको काम रोकिएको छ । बिमा कम्पनीले सेवालाई अनलाइन प्रणालीमा अपग्रेड गर्न नसक्दा विदेशमा रहेका हजारौं युवा बिना श्रम स्वकृति विदेशमा काम गर्न बाध्य हुनुपरेको छ । यो समाचार आजको कारोबार दैनिकमा यादव हुमागाईगोपाल संग्रौलाले लेखेका छन् ।

Write your Comment